Welcome to Namangan viloyati statistika boshqarmasi   Click to listen highlighted text! Welcome to Namangan viloyati statistika boshqarmasi Powered By GSpeech

HUDUDLAR HAQIDA STATISTIK MA'LUMOTLAR

 

 

Ma'lumki, Oʼzbekiston Respublikasida 2022-yilda aholini roʼyxatga olishni oʼtkazish Kontseptsiyasi tasdiqlanib, uni oʼtkazishga doir kompleks chora-tadbirlar dasturi ishlab chiqildi. 2022-yilda aholini roʼyxatga olish tadbirini oʼtkazishga koʼmaklashish boʼyicha Respublika hamda hududiy komissiyalar tarkibi hamda ularning vazifalari belgilandi. Tadbirni oʼtkazishga tayyorgarlik koʼrish va oʼtkazish bosqichlari, moliyaviy manbalari koʼrsatildi. Shularga muvofiq, aholini roʼyxatga olishga tayyorgarlik koʼrish va oʼtkazish ishlari keng qamrovli tadbir boʼlib, ketma-ket hamda bir vaqtning oʼzida tegishli tadbirlarni amalga oshirish mumkin boʼlgan bosqichlarni oʼz ichiga oladi, yaʼni:

Birinchi bosqichda (3 yilgacha boʼlgan muddat) quyidagi ishlar amalga oshiriladi:

aholini roʼyxatga olish tadbirini oʼtkazishni tashkil etish, oʼtkazish tamoyillari, uslubiy asoslari va moliyalashtirish manbalarini aniqlash masalalarini tartibga soluvchi normativ-huquqiy hujjatlar tayyorlanadi;

aholini roʼyxatga olish tadbiri dasturini, aholini roʼyxatga olishni oʼtkazish, uning natijalarini olish va eʼlon qilishni tashkil etish uslubiyati ishlab chiqiladi;

har bir roʼyxatga oluvchilarni oʼz hududi boʼyicha xaritalar bilan taʼminlanadi;

aholi punktlaridagi uylarning roʼyxatini tuzish va aholini roʼyxatga olish tadbirini oʼtkazishning tashkiliy rejasi tuziladi;

har bir xonadon raqamlanishi va koʼchalar nomlanishini amalga oshiriladi;

roʼyxatga olish varaqalari va boshqa hujjatlarni chop etilib, joylardagi mutaxassislarga yetkaziladi;

roʼyxatga olish tadbirida ishtirok etuvchi vaqtinchalik xodimlarni oʼqitilib, ular zaruriy vositalar bilan taʼminlanadi.

Ikkinchi bosqich (10 kundan 60 kungacha boʼlgan davr)da bevosita aholini roʼyxatga olish tadbirini oʼtkazish ishlari amalga oshiriladi, yaʼni aholi toʼgʼrisidagi maʼlumotlar yigʼiladi, nazorat tekshiruvi oʼtkaziladi va aholini roʼyxatga olish tadbiri materiallari qayta ishlash uchun ixtisoslashgan tuzilmalarga taqdim etiladi.

Uchinchi bosqich (2 yildan 3 yilgacha boʼlgan davr)da quyidagilar amalga oshiriladi:

aholini roʼyxatga olish tadbirining birlamchi materiallari maʼlumotlarni qayta ishlash boʼyicha ixtisoslashgan tuzilmalar tomonidan qabul qilib olinadi;

aholini roʼyxatga olish boʼyicha dastlabki natijalar olinadi;

aholini roʼyxatga olish tadbiri natijalarini eʼlon qilish va ularni tarqatish ishlari amalga oshiriladi.

Xulosa shuki, aholini roʼyxatga olish maʼlumotlaridan milliy barqaror rivojlanish maqsadlarini amalga oshirishda va monitoringni yuritishda, aholi punktlarining infratuzulmasini yaxshilashda, mehnat resurslaridan foydalanish va joylashtirish boʼyicha qisqa, oʼrta va uzoq muddatli prognozlar, dasturlarni ishlab chiqishda foydalaniladi. Bu omil jamiyat taraqqiyotining negizi ekanligi shubhasiz.

 

Аxborot xizmati 

TADBIRKORLAR UCHUN

 
 
Tugmani bosing Tinglash