2024- yilning yanvar-sentabr oylarida Namangan viloyatida ishlab chiqarilgan chorvachilik mahsulotlari hajmi 11 trln 258,8 mlrd so‘mga yetib, o‘sish sur’ati 2023- yilning mos davriga nisbatan 105,5 % ni tashkil qildi.
Viloyatimiz bo‘yicha ishlab chiqarilgan qishloq xo‘jaligi mahsulotlarining umumiy hajmida chorvachilik mahsulotlarining ulushi 51,1 % ga to‘g‘ri kelmoqda. 2024- yilning yanvar-sentabr oylarida barcha toifadagi xo‘jaliklar tomonidan tirik vaznda 147,5 ming tonna go‘sht, 641,4 ming tonna sut, 513,4 mln dona tuxum, 1434 tonna jun ishlab chiqarildi va 4785,1 tonna baliq ovlandi.
