Joriy yilning 6- dekabr kuni Namangan viloyati statistika boshqarmasi xodimlari ishtirokida "Huquqiy bilimlarni mustahkamlash" mavzusida o‘quv seminari tashkil etildi.
Mazkur o'quv seminarida Statistika boshqarmasi bosh yuriskonsulti Bohodir Ismatullayev tomonidan 8 - dekabr O‘zbekiston Respublikasi Konstitutsiyasi qabul qilingan kun munosabati bilan Bosh Qomusimiz haqida boshqarma xodimlariga maʼlumot berildi.
Seminarda, yangi tahrirdagi O‘zbekiston Respublikasi Konstitutsiyasi 2023-yil 30-aprel kuni o‘tkazilgan O‘zbekiston Respubli-kasi referendumida umumxalq ovoz berish orqali qabul qilinganligini va 2023- yil 1- may kunidan kuchga kirganligini, unga ko‘ra Konstitutsiya muqaddima, 6 bo‘lim, 27 bob, 155 ta moddadan iboratligi, Konstitutsiyaga ko‘ra O‘zbekiston — boshqaruvning respublika shakliga ega bo‘lgan suveren, demokratik, huquqiy, ijtimoiy va dunyoviy davlat deb belgilanganligini, Davlat xalq irodasini ifoda etib, uning manfaatlariga xizmat qiladi. Davlat organlari va mansabdor shaxslar jamiyat va fuqarolar oldida mas’ul ekanligini, O‘zbekiston Respublikasida davlat hokimiyati xalq manfaatlarini ko‘zlab va O‘zbekiston Respublikasi Konstitutsiyasi hamda uning asosida qabul qilingan qonunlar vakolat bergan organlar tomonidangina amalga oshirilishini, O‘zbekiston Respublikasida demokratiya umuminsoniy prinsiplarga asoslanadi, ularga ko‘ra inson, uning hayoti, erkinligi, sha’ni, qadr-qimmati va boshqa ajralmas huquqlari oliy qadriyat hisoblanishi, xususan, har kimning uy-joyli bo‘lish huquqi belgilanganligi, hech kim uy-joyidan mahrum etilishi mumkin emasligi, kafolatlangan bepul tibbiy xizmatlardan foydalanishi, har kim qulay atrof muhitga ega bo‘lishi belgilanganligini ta’kidladi.
Bundan tashqari, Konstitutsiyamizda o‘qituvchilarning qadr-qimmati himoya qilinishi, tadqiqotlar o‘tkazish va o‘qitish erkinligi huquqi berilishi, oila rivojlanishi uchun shart-sharoitlar yaratilishi, farzandlar tarbiyasi ota-ona majburiyati sifatida belgilanishini hamda har kim adolatli haq olish huquqi kafolatlanishi, nsonning munosib turmush darajasi ta’minlanishi, ayollarning ish haqini kamaytirish taqiqlanishi, davlat kambag‘allikni qistartirish choralarini ko‘rishi belgilanganligini ham aytildi.
Shuningdek, Konstitutsiyamizda inson huquq va erkinliklari ustuvorligi kafolatlanganligi haqida ham gapirib, bular sudlanganlik endi qarindoshlarga ta’sir qilmasligi, har kim o‘z shaxsiga doir ma’lumotlarni himoya qilishi, davlat internetdan foydalanish uchun sharoit yaratib berishi ham aks etttirilganligini ta’kidlandi.
O‘tkazilgan seminar qiziqarli va savol-javoblarga boy tarzda o‘tdi