Statistika boshqarmasi ma’lumotlariga ko‘ra, 2025-yilning yanvar–dekabr oylarida Namangan viloyatidan xorijiy mamlakatlarga 374,3 mln AQSH dollari qiymatidagi to‘qimachilik mahsulotlari eksport qilindi.
Bu ko‘rsatkich 2024-yilning mos davriga nisbatan 24,3 % ko‘paygan.
Shuningdek, umumiy eksport hajmida to‘qimachilik mahsulotlarining ulushi 51,8 foizini tashkil etgan.
Eksport tarkibida:
Tayyor to‘qimachilik mahsulotlari — 39,9 %,
Tayyor trikotaj kiyimlari — 31,2 %,
Tayyor tikuvchilik mahsulotlari — 9,9 %,
Paxta, kigiz va noto‘qima materiallar, arqon buyumlari — 1,5 %,
Boshqa to‘qimachilik mahsulotlari — 17,5 % ulushni tashkil etdi.
Ma'lumot o'rnida, 2025- yilning yanvar-dekabr oylarida Namangan viloyatida 3,5 trln so‘mlik to‘qimachilik mahsulotlari ishlab chiqarilgan bo‘lib, bu viloyat bo‘yicha sanoat mahsulotlari ishlab chiqarish hajmining 25,3 % iga to‘g‘ri kelgan.
