Joriy yilning 26- noyabr kuni Viloyat statistika boshqarmasida Namangan Muhandislik Qurilish inistituti talabalariga " Namangan viloyatida investitsiyalar va qurilish ko‘rsatkichlari shakllantirish hamda O‘zbekiston Respublikasida 2023- yilda Aholini ro‘yxatga olishga tayyorgarlik koʼrish va uni o‘tkazish " mavzusida ochiq muloqot tashkil etildi.
Unda, viloyat statistika boshqarmasi boshlig‘ining birinchi o‘rinbosari B. Xoliqov, Investitsiya va qurilish statistikasi bo‘limi boshlig‘i B. Tursinov, Ro‘yxatga olish jarayonlarini tashkil etish bo‘limi boshlig‘i N. Najmiddinov hamda Namangan Muhandislik Qurilish inistituti o‘qituvchilari va talabalari ishtirok etdi.
Tadbir avvalida boshqarma boshlig‘ining birinchi o‘rinbosari B. Xoliqov viloyatda statistika sohasida amalga oshirilayotgan ishlar, statistika axborotlarining haqqoniyligi va shaffofligini ta’minlash to‘g‘risida talabalarga tuchunchalar berdi.
Shuningdek, Ro‘yxatga olish jarayonlarini tashkil etish bo‘limi boshlig‘i N. Najmiddinov O‘zbekiston Respublikasi Vazirlar Mahkamasining 2020- yil 11- noyabrdagi "O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida"gi 710-son Qarorining mazmun mohiyati to‘g‘risida tushuntirishlar berib, aholini ro‘yxatga olishning maqsadi, ro‘yxatga olishning nima uchun zarurligi hamda qarorda aholini ro‘yxatga olish savolnomalari tasdiqlanganligi tog‘risida tushuntirishlar berib o‘tdi.
Tadbir davomida qurilish statistikasi bo‘limi boshlig‘i B. Tursinov kichik biznes subyektlari va jismoniy shaxslar tomonidan bajarilgan qurilish ishlari hajmini aniqlash bo‘yicha o‘tkazilgan tanlanma kuzatuvlar natijalari asosida oylik baholash ishlarini amalga oshirish masalalari yuzasidan to‘xtalib o‘tdi.
Tadbir so‘nggida talabalar o‘zlarini qiziqtirgan savol va takliflari bilan murojaat qilishdi. Berilgan savol va takliflarga tarmoq bo‘limlari tomonidan batafsil javoblar berildi.
Matbuot xizmati