2021- yilning 21- dekabr kuni Davlat statistika qo‘mitasi Yuridik bo‘limi tomonidan hududiy boshqarmalarning yuridik xizmatlari uchun videokonferensiya shaklidagi seminar tashkil etildi.
Seminarda qo‘mita raisining o‘rinbosari Z. Ziyayev, Yuridik bo‘limi va hududiy statistika boshqarmalarining vakillari ishtirok etdi.
Seminarda tizim yuridik xizmatlarida 2021- yilda amalga oshirilgan ijobiy o‘zgarishlar, yo‘l qo‘yilgan xato va kamchiliklar hamda kelgusidagi eng ustuvor vazifalar va yo‘nalishlar yuzasidan hududiy statistika boshqarmalari xodimlari bilan fikr almashildi.
Davlat statistika qo‘mitasi Yuridik bo‘lim boshlig‘i Vahob To‘xtayev sohaga tegishli qonunchilik hujjatlari bo‘yicha bajarilayotgan ishlar hamda kelgusida amalga oshirilishi lozim bo‘lgan chora-tadbirlar haqida qisqacha to‘xtalib o‘tdi.
Seminar davomida tadbir qatnashchilari tomonidan sohada oid mavjud muammo va kamchiliklarni muhokama qilgan holda tizimni rivojlantirish bo‘yicha fikr-mulohazalar almashildi. Hududiy statistika boshqarmalari xodimlariga qo‘mita mutaxassislari tomonidan kelgusida o‘z ishlarida muhim ahamiyat kasb etuvchi taklif va tavsiyalar berildi.
Matbuot xizmati