Joriy yilning 13- dekabr kuni Namangan viloyati statistika boshqarmasi xodimlari ishtirokida "Huquqiy bilimlarni mustahkamlash" mavzusida o‘quv seminari tashkil etildi.
Mazkur o'quv seminarida statistika boshqarmasi bosh yuriskonsulti Bohodir Ismatullayev tomonidan O‘zbekiston Respublikasi Prezidentining 22.11.2024- yildagi “Ayollar orasida onkologik kasalliklarni nazorat qilish tizimini takomillashtirish chora-tadbirlari to‘g‘risida” PQ-402-son Qarori haqida boshqarma xodimlariga maʼlumot berildi.
Mazkur qaror ayollar orasida onkologik kasalliklarni erta bosqichda aniqlash va davolash tizimini takomillashtirish, skrining jarayonlarini samarali tashkil qilish, zamonaviy skrining usullarini amaliyotga keng joriy etish, ushbu yo‘nalishlarda olib borilayotgan ishlarni muvofiqlashtirish hamda mutaxassislarning bilimlarini oshirish va ko‘nikmalarini rivojlantirish maqsadida qabul qilinganligini aytib, qaror bilan tibbiyotning birlamchi bo‘g‘inida 30 — 65 yoshdagi ayollarning elektron bazasi (ro‘yxati) shakllantirilishi, ularni tibbiy ko‘rikka taklif qilish tizimi yaratilishi, har yili 30 — 50 yoshdagi ayollarda bachadon bo‘yni saratoni skriningi odam papillomasi virusini polimeraza zanjirli reaksiya tekshiruvi usuli orqali aniqlash hamda suyuqlik sitologiyasi usulida tekshirish yo‘li bilan amalga oshirilishi, bunda manfiy natija aniqlanganda ular 10 yildan so‘ng qayta tekshiruvdan o‘tkazilishi, musbat natija aniqlangan ayollar qo‘shimcha tekshiruvga yo‘naltirilishini, saratonoldi holatlar aniqlangan ayollar ambulator davolash uchun Respublika ixtisoslashtirilgan ona va bola salomatligi ilmiy-amaliy tibbiyot markazi va uning hududiy filiallariga yo‘naltirilishini, 30 — 65 yoshdagi ayollar har 2 yilda bir marotaba tibbiyot xodimlari tomonidan birlamchi saralashdan o‘tkazilishini, bunda ko‘krak bezi tekshiruvi 45 yoshgacha bo‘lgan ayollarda ultratovush diagnostikasi usulida, 45 — 65 yoshdagi ayollarda mammografiya orqali amalga oshirilishini, skrining natijasida onkologik kasallikka chalinganligi aniqlangan bemorlarni tashxislash va davolash bilan bog‘liq xarajatlar Davlat budjeti mablag‘lari hisobidan moliyalashtirilishi belgilanganligini tushuntirildi.
Seminarda, ishtirokchilarining qiziqtirgan savollariga javoblar berib oʻtildi.